⚠️ كيف “الإسرائيلي” وشركاته بتحاول توقّع الشباب اللبناني بشباك العمالة والتواصل مع العدو؟ يلي رح نشوفه هو نموذج من هذه النماذج!

ينتشر في الآونة الأخيرة إعلانات مدفوعة على منصة فايسبوك وأغلب الشباب لا يدققون بهويتها أو خلفيتها، فيقعون فريسة هذه الإعلانات ومن يقف خلفها، كيف واذا كانت هذه الإعلانات تستهدف الشباب اللبناني الذي يمر بلده بضائقة اقتصادية مالية ويكاد الشريحة الكبرى من الشباب لا يملكون وظائف ويسعون للحصول على وظيفة! وين في أحلى من هيك فرصة للإسرائيلي انو يحاول يصطاد الشباب اللبناني؟! ويللي ممكن كمان يساعدهم هني بعض العملاء اللحديين الفارين يلي بيطلب منهم العدو الإسرائيلي انشاء صفحات وهمية على كل التطبيقات وانو يدفعوا ثمن إعلان sponsored ليوصل الاعلان لشرائح معينة ويصطادوا الشباب اللبناني!

الصورة المرفقة هو إعلان مدفوع لشركة بتعرّف عن حالها انها “مكتب حكومي يبحث عن ذوي خبرة في علم الحاسوب للانضمام لوظيفة مميزة سوف تخطف انفاسك وتأخذك لعالم المغامرة وحب الاستطلاع”. هيك تعريف لوحده بخوّف كيف اذا ضفنا عليه رقم إسرائيلي بيبدأ ب +972 وكيف اذا ضفنا عليه بريد إلكتروني لdomain بيحتوي على كلمة israel؟!

شباب وصبايا خلونا نفيق وننتبه منيح، لأن هيدا الاعلان كتار فاتوا عليه وما منعرف كم واحد بعتلهم cv على الايميل ورقم تلفونه وما حدا يتفاجئ ويقول بعدين عم يجيني اتصالات أجنبية غريبة (لأن اكيد ما رح يتصلوا فيكم من رقم إسرائيلي) وبس يعرضوا عليكم الشغل بحجة وظيفة كومبيوتر ويحوّلكم مصاري fresh dollar ويطبوا عليكم الأجهزة الأمنية اللبنانية ومكتب مكافحة الجرائم المعلوماتية بتهمة التعامل مع العدو الإسرائيلي وبتقولوا ما كان معنا خبر! لأن عند الأجهزة الأمنية اللبنانية رح يبيّن كل تفاصيل الاتصالات والرسائل وما رح ينفع التبريرات!

?️ ما هي الخطوات الواجب اتباعها؟
– عدم الدخول إلى الاعلان المدفوع أو الاطلاع على تفاصيله في صفحته.
– عدم التواصل على رقم الهاتف المعروض في الاعلان أو الصفحة.
– عدم ارسال اية رسائل على العنوان الإلكتروني المحدد أو على رقم الهاتف.
– دعوة رفاقكم للحذر من هكذا اعلانات مدسوسة.
– عدم إجراء like أو follow لصفحة الاعلان.
– عدم الرد على الاتصالات الأجنبية المجهولة الهوية.
– عدم الرد على الرسائل النصية المرفقة برابط أو الدخول على الرابط!

شاركوا هيدا المنشور لكل أصدقائكم لأن رح يساعد الكثيرين من عدم الوقوع في شباك العدو!

اي حدا سبق وتعرّض لهيك مواقف أو وقع بشباك هيدا الاعلان وغيره يبادر فورا للتواصل مع مكتب مكافحة الجرائم المعلوماتية والأجهزة الأمنية اللبنانية يللي رح يوقفوا حدو/ها ويساعدوه/ها .. لأن بعدين ما رح ينفع الندم!

دمتم سالمين ?

بالاشتراك مع الجمعية اللبنانية للتوعية والحماية الرقمية

#صحصح_معانا #توعية_تكنولوجية #طلبات_توظيف_مزورة #اعلانات_مفخخة #العدو_الإسرائيلي