في مجموعة متمسّكة بالسلطة على حساب لبنان” النائبة ستريدا جعجع?
ما بقى أعرف مين الثورة ومين السلطة ومين يللي سرق وقتل وشرّد وساهم بكل هيدول!!!
مين بدو الشعب يحاسب؟؟؟ إذا كانت معظم الأحزاب هلق عم تحارب الفساد، أصبح مين يللي سبب الانهيار يللي نحنا عايشينه؟ وكأنهم يقولون بأننا علينا أن نحاسب الشعب!!!
ايه أكيد!!! وقت كانوا عايشين فسادهم كانوا يقولوا لنا بأننا لا تنتفض! ولمّا انتفضنا وثِرنا صاروا هنِّ يللي عم يحاربوا الفساد!! وصرنا بنشوفهم بصفوف الثوار ونحن بنعرف انهم القيادة بالأحزاب وبنشوف كمان إنهم بهنّونا لما بنربح جولة يعني وكأنهم عم يدعموا هم الثورة لحتى يوصلوا لتسديد سكورات scores لمآرب ما بنعرف وين رح توصلّنا!!!!!
هلق يا جماعة خلّينا ناخد نفس عمييييق، ونفكّر لحتى يكون عندنا وضوح بالرؤية!!!!
– عم نقول كلهم يعني كلهم= يعني نحن بنعرف تاريخ الجميع = يعني ولا حدا منهم لازم يكون بصفوف الثورة.
– عم نقول كلهم يعني كلهم = لازم نرفض أي تصريح من جهة السلطة يللي تدعي العفّة وعم تحاول ان تركب موجة الثورة لحتى ما يقرّب عليها سيف المحاسبة.
ولكن إذا كنّا بدنا ياهم بصفوف الجولة الثانية أو أي أحد منهم، لازم نقول بوضوح مما يعني إنهم كلهم رح يرجعوا ولكن بوجه مختلف!!!
المهم أن نوضح شعاراتناا!!!
الفوضى يللي عم تسببها السلطة ويللي عم تضيع فيها الثورة رح توصل للقضاء على لبنان وبنكون نحن الشعب عم نحقق أطماع المستفيدين من انكسارنا وخرابنا!!!
الناس عم تموت من الجوع والبرد والتشرّد ونحن بنفكّر إذا طعميناهم وجبة يعني ساعدناهم!
الناس بدها تشتغل لحتى تكفي حالها وتقدر تعالج نفسها، إذا انبسطنا إننا حطينا حالة على التلفزيون وساهمت العالم بمساعدتها بحب خبركم إنه في اكتر من ٢٠٠ألف حالة متلها وأضرب.
لبنان يا أصدقائي في غرفة العناية الفائقة في المستشفى الحكومي حيث لا أطباء ولا ممرضين ولا غُرَفْ مجهّزة لحالتِهِ. إذا لم نُسارع ولم نهب بشكل مدروس وبنّاء وممنهج ونحمل معنا العدّة الكاملة من أوكسجين ومصل ودواء سيُعلن موتنا جميعا قريبا بينما هم من في القصور بيحملوا شنطهم وأولادهم ومن ثم تحتضنهم دول ما بتعمل إلا مصلحتها وبيعيشوا حياتهم بينما نحن سوف نتخبّط في النتيجة المميتة لنا ولمستقبلنا ولأرضنا!
تجمّعوا اصدقائي وصديقاتي واعرفوا من أنتم ومن معكم ومن ضدكم لكي ننتقل إلى المرحلة الثانية!!!!
#من_نحن ؟؟؟
هل نحن الثورة؟
هل نحن السلطة؟
أم نحن النفاق بعينه حيث أننا الثوسلطة؟؟؟?
عسى هذه العاصفة #لولو أن تعصف برؤيتنا وتفتح بصريتنا لكي نرى أين نحن ذاهبون؟؟؟
ميلاد مجيد اصدقائي وصديقاتي وهذا العام سوف نصبح بخير إذا رصّينا الصفوف وابتعدنا عن هذه الشاشات التابعة للسياسيين والمصارف !!!! فلنفكّر إذا بدكم عن جد لبنان الحرية الحقيقية والديمقراطية والاحترام التام لحقوق كل إنسان على أرض هذا الوطن!!! Kholoud Wattar Kassem
26/12/2019
