انا مش زعلان من الموت ، الموت حق
ومش زعلان من المرض ، إستفقاد الله رحمة
ولا زعلان من الفراق ، هاي سنّة الحياة
انا زعلان منك يا إمي يا صابرة يا صابرة يا صابرة اللي بعمري ما سمعتك اشتكيتي أو سألتِ ربك ليش أنا ؟
زعلان من ذاكرتي اللي وقفت من عشر سنين لدرجة مش مذكرك يا إمي انتي وماشية بالسوق أو عم تحرّكي طبخة بالمطبخ !
انا زعلان منك يا صابرة يا صابرة يا صابرة اللي ما حسستينا بيوم إننا مقصّرين ونحنا لو شو ما عملنا ما منوفي ذرّة من تعبك وسهرك علينا
انا زعلان من حالي لأن ما قدرت أعملك شي
و زعلان منك يا أمي ، لأنك رحتي بكير وتركتينا !
ايه زعلان منك وزعلان كتير ، يا واسطتنا عند ربنا
زعلان منك يا صابرة يا صابرة يا صابرة
الله يرحمك يا رحمة الله الواسعة
كتب جعفر جعفر للمرحومة والدته
