مـرقــت حــرمــة نـوريّـة*بِــضــيـعــة لـبــنــانـيّـة

مـرقــت حــرمــة نـوريّـة*بِــضــيـعــة لـبــنــانـيّـة

بتـنادي بشـفي المعلولْ*بداوي العلّـة القويّة

سمـعــتـهــا مَـرِتْ مـخّـولْ*وقـالـتـلا يـا عـيـنـيّي

جوزي بالفرشة مشلولْ*وتا شيـلو ماعاد فيّي

قـالـتـلا شــدّة وبـتــزول*عــلّــة جــوزك مـخـفـيّـة

اجمعي الذّهب المصقولْ*وماتخلّي ولافضيّة

وخلّيـلـو راســو مـشـقــولْ*عـا مــخــدّة ذهـبـيتة

يـنام عـلـيـهـا عـلى طـولْ*ســـبـع تـيّـام سـويّـة

مرتو عملت عـالأصـولْ*الوصفة متل ماهـيّي

وجـمّـعت كـلّ المدخولْ*مـنـها ومـن الأهـلـيّـة

مرّ الأسـبـوعْ الـمأمـولْ*وهـيّي تجسّ الخبريّة

وحتّى ما حكايتهاتطولْ*طلّت عالفرشةشويّة

وْبِلْشِتِ تصرّخْ وتـقـولْ*راحـتْ يـا نـاسْ عـلـيّي

يا ويلي راح المـحـصولْ*سَــرقـتْــني الـنُّـوريّـة

الـنّـوريّـة بـلعـها الـغـولْ*وتــاهــت بِــهــالـبـريّة

تقمّصها عـنّا المـســؤولْ*بْــدولـتـنـا الـلّـبـنانيّة

بنهب الخزينة مـشغـولْ*بـحـرفة وفـنّ وخفيّة

وشعبي المعثّر مخـبـولْ*مـلـهّى بـالـطّـائـفيّة

مخدّر بالحكي المعسولْ*ْوبِالوعودِ الوهميّة

حـطّ فلـوسـه بالمـجهـولْ*بـبـنـوك الـحـرامـيّـة

ماظلّ بمخـزونه فـيـولْ*ولا بطنجرتُه ملوخيّة

الحقّ علينا ومش مقبول*الخفّة بالمسؤوليّة

رضينا بـحكـمن كلناغـولْ*طلعو ولاد النّوريّـة

الكاتب :حسن عليّ شرارة